NTR భరోసా పెన్షన్ – కొత్త దరఖాస్తుల ప్రక్రియ
(అప్డేట్ తేదీ: 06-09-2026)
ఆంధ్రప్రదేశ్ ప్రభుత్వం 06-09-2026న కొత్త పెన్షన్ దరఖాస్తుల స్వీకరణ, పరిశీలన మరియు మంజూరుకు సంబంధించిన మార్గదర్శకాలను జారీ చేసింది. NTR భరోసా పెన్షన్ కోసం కొత్తగా దరఖాస్తు చేసుకోవాలని అనుకునేవారు ఈ కథనంలోని పూర్తి వివరాలను తెలుసుకోండి.
దరఖాస్తుల స్వీకరణ ఎలా?
- 07-09-2026 నుంచి 16-09-2026 వరకు కొత్త పెన్షన్ దరఖాస్తులు స్వీకరిస్తారు.
- దరఖాస్తును స్వర్ణ గ్రామం / స్వర్ణ వార్డు కార్యాలయంలో సమర్పించాలి.
- ఆధార్, రైస్ కార్డు/ఆదాయ ధృవీకరణ పత్రం మరియు సంబంధిత కేటగిరీ సర్టిఫికెట్లు ఇవ్వాలి.
- దరఖాస్తును ఆన్లైన్లో నమోదు చేసి, e-KYC పరిశీలన చేస్తారు.
పరిశీలన ప్రక్రియ
- ముందుగా దరఖాస్తుదారుడి సాధారణ అర్హతను పరిశీలిస్తారు.
- అర్హత ఉన్న దరఖాస్తులను భౌతిక పరిశీలనకు పంపుతారు.
- అధికారులు నేరుగా ఇంటికి వచ్చి పత్రాలు, అర్హతలను తనిఖీ చేస్తారు.
- అవసరమైతే e-KYC కూడా అక్కడికక్కడే పూర్తి చేస్తారు.
- తరువాత MPDO / మున్సిపల్ కమిషనర్ దరఖాస్తును పరిశీలించి అర్హత లేదా అనర్హతను నిర్ణయిస్తారు.
ఏ పెన్షన్కు ఎవరి ద్వారా సిఫారసు?
| పెన్షన్ కేటగిరీ | సిఫారసు చేసే శాఖ |
|---|---|
| వృద్ధాప్యం, వితంతువు, ఒంటరి మహిళలు, వికలాంగులు | CEO, SERP |
| చేనేత కార్మికులు | Handlooms & Textiles శాఖ |
| మత్స్యకారులు | Fisheries శాఖ |
| డప్పు కళాకారులు | Social Welfare శాఖ |
| సంప్రదాయ చెప్పుల తయారీదారులు | Social Welfare శాఖ |
| ట్రాన్స్జెండర్ | Health & Family Welfare శాఖ |
| కల్లు గీత కార్మికులు (Toddy Tappers) | Prohibition & Excise శాఖ |
ముఖ్యమైన విషయం: MPDO / మున్సిపల్ కమిషనర్ పెన్షన్ను నేరుగా మంజూరు చేయరు. వారు అర్హులైన దరఖాస్తులను మాత్రమే సిఫారసు చేస్తారు.
రాష్ట్ర స్థాయి ప్రక్రియ
SERP, RTGS మరియు సంబంధిత రాష్ట్ర శాఖలు తుది పరిశీలన చేస్తాయి. ఆ తరువాత SERP బడ్జెట్ ప్రతిపాదనను ప్రభుత్వానికి పంపుతుంది. ప్రభుత్వ అనుమతి మరియు బడ్జెట్ అందుబాటులో ఉన్న తరువాతే పెన్షన్ మంజూరు చేసి విడుదల చేస్తారు.
గమనిక: పెన్షన్ SERP మంజూరు చేసి విడుదల చేసే నెల నుంచే చెల్లుతుంది. దరఖాస్తు చేసిన తేదీ నుంచి గానీ, అర్హత పొందిన తేదీ నుంచి గానీ గత బకాయిలుగా చెల్లించరు.
ముఖ్యమైన తేదీలు
| దశ | తేదీలు |
|---|---|
| దరఖాస్తుల స్వీకరణ | 07-09-2026 – 16-09-2026 |
| e-KYC | 17-09-2026 – 21-09-2026 |
| సాధారణ అర్హత, భౌతిక/శాఖాపరమైన పరిశీలన | 22-09-2026 – 24-09-2026 |
| MPDO/మున్సిపల్ కమిషనర్ పరిశీలన మరియు సిఫారసు | 25-09-2026 – 26-09-2026 |
| బడ్జెట్ ప్రతిపాదన మరియు ప్రభుత్వ అనుమతి | తదుపరి దశ |
అవసరమైన పత్రాలు
అన్ని కేటగిరీలకు కామన్గా అవసరమైనవి:
- ఆధార్ కార్డు
- రైస్ కార్డు / ఆదాయ ధృవీకరణ పత్రం
- సంబంధిత ఇతర సర్టిఫికెట్లు
కేటగిరీల వారీగా ప్రత్యేక పత్రాలు:
- వృద్ధాప్య పెన్షన్: వయస్సు రుజువుగా ఆధార్ కార్డు.
- వితంతువు: భర్త మరణ ధృవీకరణ పత్రం + భర్త ఆధార్ నంబర్.
- ఒంటరి మహిళ: వివాహం జరిగి ఉంటే కోర్టు/అదాలత్ నుంచి విడాకుల డిక్రీ; అవివాహిత అయితే తహసీల్దార్ నుంచి Non-Marriage Certificate.
- వికలాంగులు: SADAREM సర్టిఫికెట్ (కనీసం 40% బెంచ్మార్క్ డిజేబిలిటీ).
- చేనేత కార్మికులు: Handloom & Textile Department సర్టిఫికెట్.
- మత్స్యకారులు: Fisheries Department సర్టిఫికెట్.
- డప్పు కళాకారులు: Social Welfare Department సర్టిఫికెట్.
- సంప్రదాయ చెప్పుల తయారీదారులు: Social Welfare Department సర్టిఫికెట్.
- కల్లు గీత కార్మికులు (Toddy Tappers): Prohibition & Excise Department సర్టిఫికెట్.
- ట్రాన్స్జెండర్: District Medical Board సర్టిఫికెట్.
అర్హత ఉన్నవారు 16-09-2026 లోపు తమ సమీప స్వర్ణ గ్రామం / స్వర్ణ వార్డు కార్యాలయంలో అవసరమైన పత్రాలతో దరఖాస్తు చేసుకోవాలని సూచిస్తున్నాం.
గమనిక: ఇది సమాచార ప్రయోజనాల కోసం మాత్రమే. అధికారిక వివరాల కోసం స్థానిక సచివాలయం లేదా సంబంధిత ప్రభుత్వ కార్యాలయాన్ని సంప్రదించండి.